మునిసిపాలిటీల్లో రూ.180కోట్లతో అభివృద్ధి పనులు

హైదరాబాద్: రాష్ట్రంలోని 19 మునిసిపాలిటీల్లో రూ. 180 కోట్లతో అభివృద్ధి పనులు చేపట్టనున్నట్టు ప్రభుత్వం నిర్ణయించింది. ప్రధానంగా ఈ నిధులతో పట్టణాల్లోని మురికివాడలకు సిమెంట్ రహదారులు, మురుగునీటి కాలువలు, వీధి దీపాలు, మంచినీటి సరఫా వంటి మౌలిక సదుపాయాలు కల్పించాలని ఆదేశించింది.

కేంద్ర ప్రభుత్వం ప్రవేశపెట్టిన సమగ్ర గృహనిర్మాణం, మురికివాడల అభివృద్ధి పథకం (ఐహెచ్ఎస్‌డీపీ) కింద చేపడుతున్న ఈ పనులకు 80శాతం నిధులను కేంద్రం అందిస్తుండగా, ఇరవై శాతాన్ని రాష్ట్రం భరిస్తోంది.

ప్రజారోగ్య ఇంజనీరింగ్ విభాగం కింద ప్రతి మునిసిపాలిటీలోనూ రూ. 3కోట్ల నుంచి రూ. 15కోట్ల వరకు పనులు చేపట్టాలని సూచిస్తూ పాలనాపరమైన అనుమతి మంజూరు చేసింది.