వైయస్ కుటుంబాన్ని తాకలేదు: దత్తాత్రేయ

హైదరాబాద్: నిత్యావసర సరుకుల ధరల పెరుగుదల సెగలు ఇంకా ముఖ్యమంత్రి డాక్టర్ వైయస్ రాజశేఖర రెడ్డి కుటుంబానికి తగలలేదని భారతీయ జనతా పార్టీ (బిజెపి) రాష్ట్రాధ్యక్షుడు బండారు దత్తాత్రేయ అన్నారు. విపరీతంగా ధరలు పెరుగుతోంటే ముఖ్యమంత్రి ప్రపంచమంతా, దేశమంతా ఇలాగే ఉందనే ధోరణితో వ్యవహరించడం సరి కాదని ఆయన మంగళవారం మీడియా ప్రతినిధుల సమావేశంలో అన్నారు.

రెండు రూపాయలకు కిలో బియ్యం పథకం ప్రవేశపెట్టినంత మాత్రాన సరిపోదని, ధరల పెరుగుదలను కూడా అరికట్టాల్సి ఉందని ఆయన అన్నారు. ముఖ్యమంత్రిది ఫాక్షన్ మనస్తత్వమని ఆయన అన్నారు. కేంద్రంలోనూ, రాష్ట్రంలోనూ కాంగ్రెసును అధికారం నుంచి సాగనంపడానికి ప్రజలు సిద్ధంగా ఉన్నారని ఆయన అన్నారు.