ధరలపై మంత్రులతో డిఎస్ భేటీ

హైదరాబాద్: ధరల మంటపై ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ మంగళవారంనాడు రాష్ట్ర మంత్రులు కాసు కృష్ణారెడ్డి, మారెప్పలతో చర్చించారు. పార్టీ కార్యాలయం గాంధీభవన్ లో ఈ చర్చలు జరిగాయి. పార్టీ వాణిజ్య విభాగం ప్రతినిధులు, వ్యాపారులు కూడా ఈ సమావేశంలో పాల్గొన్నారు. ధరను తగ్గిస్తామని సమావేశానంతరం శ్రీనివాస్ మీడియా ప్రతినిధుల సమావేశంలో ధీమా వ్యక్తం చేశారు. నిరుటి ధరల స్థాయికి ఈ ఏడు ధరలను తగ్గిస్తామని ఆయన చెప్పారు.

సమావేశ వివరాలతో ముఖ్యమంత్రి డాక్టర్ వైయస్ రాజశేఖర రెడ్డికి కొన్ని సూచనలు చేస్తామని ఆయన చెప్పారు. నాలుగైదు రోజుల్లో ముఖ్యమంత్రి వైయస్ రాజశేఖర రెడ్డి ఉన్నత స్థాయి సమావేశం ఏర్పాటు చేస్తారని ఆయన చెప్పారు. తాము సమావేశ నిర్వహన ద్వారా ముఖ్యమంత్రికి ఉపయోగపడే పని చేశామని ఆయన చెప్పారు.