బాబు యాత్ర ఎవరి కోసం: వైయస్

న్యూఢిల్లీ: తెలుగుదేశం పార్టీ అధ్యక్షుడు నారా చంద్రబాబునాయుడు యాత్ర మీ కోసం అంటే ఎవరి కోసమని ముఖ్యమంత్రి డాక్టర్ వైయస్ రాజశేఖర రెడ్డి ప్రశ్నించారు. చంద్రబాబు ఉనికి కోసం, ప్రయోజనం కోసమే ఆ యాత్ర అని ఆయన మంగళవారం మీడియా ప్రతినిధులతో అన్నారు. చంద్రబాబు హామీలను ప్రజలు విశ్వసించబోరని ఆయన అభిప్రాయపడ్డారు. చంద్రబాబు మాటలను పట్టించుకోవలసిన అవసరం లేదని ఆయన అన్నారు.

ఢిల్లీలో ఉన్న రాజశేఖర రెడ్డి మంగళవారం కేంద్ర నౌకాయాన మంత్రి టీ.అర్. బాలును కలిశారు. ప్రకాశం జిల్లా ఒంగోలులో ఓడరేవు నిర్మాణానికి కేంద్రం నిర్ణయం తీసుకుందని భేటీ అనంతరం ముఖ్యమంత్రి చెప్పారు. ఈ ఓడరేవుకు గాను రాష్ట్ర ప్రభుత్వం రెండు వేల ఎకరాల భూమిని కేటాయించేందుకు అంగీకరించింది. ముఖ్యమంత్రి రేపు (బుధవారం) ఢిల్లీ నుంచి నేరుగా విశాఖపట్నం చేరుకుంటారు.