ఎన్టీఆరే ఆద్యులు: హరికృష్ణ

విజయవాడ: రాష్ట్రంలో చైతన్యయాత్రలకు శ్రీకారం చుట్టిందని తమ తండ్రి, తమ పార్టీ వ్యవస్థాపకుడు ఎన్టీ రామారావేనని తెలుగుదేశం పార్టీ రాజ్యసభ సభ్యుడు హరికృష్ణ చెప్పారు. ఎన్టీ రామారావు రాజకీయాల్లోకి వచ్చే వరకు ప్రజలను నేరుగా కలుసుకున్న నాయకుడు లేడని, దానికి ఆద్యులు ఎన్టీ రామారావేనని ఆయన గురువారం మీడియా ప్రతినిధులతో అన్నారు. తమ పార్టీ 1983 నుంచి చైతన్యయాత్రలు చేస్తోందని, ఆ తర్వాత మిగతా పార్టీలు చేపట్టడం ప్రారంభించాయని ఆయన అన్నారు.

ఎన్టీ రామారావు పద్ధతిలో తాము ఇప్పుడు చైతన్యయాత్రలు చేస్తున్నామని ఆయన చెప్పారు. తమ పార్టీ అధినేత చంద్రబాబునాయుడుకు ఇబ్బంది కలిగించకూడదనే ఉద్దేశంతోనే తాను చైతన్యయాత్ర రథం స్టీరింగ్ పట్టానని ఆయన చెప్పుకున్నారు. తాము బెంజీ కార్లలో, విమానాల్లో తిరంగలేదని, చైతన్యరథమే తమ వాహనం అని ఆయన అన్నారు.