మే 12 నుంచి వైయస్ రోడ్ షోలు

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి రెండు దశల్లో ఉప ఎన్నికల ప్రచారానికి దిగనున్నారు. ఆయన రెండు దశల్లో రోడ్ షోలు నిర్వహిస్తారు. మే 12వ తేదీ నుంచి 27వ తేదీ వరకు ఆయన ఈ రోడ్ షోలు నిర్వహిస్తారు. తనకు బాగా అచ్చివచ్చిన చేవెళ్ల నుంచి ఆయన తన యాత్రను ప్రారంభిస్తారు. మొత్తం 40 శాసనసభా నియోజకవర్గాలను ఆయన ఎన్నికల ప్రచారంలో భాగంగా చుడుతార.

ఉప ఎన్నికలు జరుగుతున్న నియోజకవర్గాల తమ కాంగ్రెస్ పార్టీ నాయకుల మధ్య సమన్వయానికి ఆయన గురువారంనాడు శ్రీకారం చుట్టారు. వివిధ నియోజకవర్గాల్లో టికెట్లు ఆశించి భంగపడిన నాయకులతో ఆయన గురువారంనాడు టెలిఫోనులో మాట్లాడారు. ఎల్లుండి వికారాబాద్, ఎల్లారెడ్డి, ముషీరాబాద్ ముఖ్యనేతలతో మాట్లాడ్తారు.