మనోవర్తి కేసు: పవన్ కళ్యాణ్ కు ఊరట

విశాఖపట్నం: తన భర్త నుంచి తనకు మధ్యంతర మనోవర్తి ఇప్పించాలంటూ సినీ నటుడు పవన్ కళ్యాణ్ భార్య నందిని వేసిన పిటిషన్ ను కోర్టు కొట్టివేసింది. పవన్ కళ్యాణ్ దాఖలు చేసిన విడాకుల కేసు వచ్చే నెల 16వ తేదీకి వాయిదా పడింది. శుక్రవారంనాడు నందిని గానీ పవన్ కళ్యాణ్ గానీ కోర్టుకు హాజరు కాలేదు. పవన్ కళ్యాణ్ వచ్చి ఉంటే క్రాస్ ఎగ్జామినేషన్ జరిగి ఉండేదని వారి తరఫు న్యాయవాదులు అంటున్నారు.

నందిని నెలకు ఐదు లక్షల రూపాయలకు మనోవర్తి కేసు వేశారు. మధ్యంతర మనోవర్తి కేసుపై ఫ్యామిలీ కోర్టు నిర్ణయంపై పై కోర్టుకు వెళ్తామని నందిని తరఫు న్యాయవాది చెప్పారు. మధ్యంతర మనోవర్తి కోసం వేసిన పిటిషన్ సమంజసంగా లేదని న్యాయమూర్తి అభిప్రాయపడి ఆ పిటిషన్ ను తోసిపుచ్చారు.