షూటింగులో గాయపడిన అమీర్ ఖాన్

హైదరాబాద్: గజినీ హిందీ సినిమా షూటింగులో బాలీవుడ్ నటుడు అమీర్ ఖాన్ గాయపడ్డాడు. అతని ఎడమ కాలికి గాయమైనట్లు సమాచారం. ఈ సినిమా షూటింగ్ హైదరాబాదులో జరుగుతోంది. విలన్ ను చేజ్ చేసే సీనులో నటిస్తుండగా అమీర్ ఖాన్ పడిపోయినట్లు తెలుస్తోంది. దీంతో అతన్ని ఆస్పత్రికి తరలించారు. విషయం తెలిసిన ఆయన భార్య కిరణ్ హుటాహుటిన హైదరాబాద్ చేరుకున్నారు.

గతంలో కూడా అమీర్ ఖాన్ ప్రమాదవశాత్తు గజిని షూటింగులో గాయపడ్డాడు. అప్పుడు వెంటనే అతను ముంబయి వెళ్లిపోయాడు. కొద్ది కాలం విశ్రాంతి తీసుకుని తిరిగి హైదరాబాదు వచ్చాడు. తిరిగి షూటింగ్ ప్రారంభమైంది. అయితే మరోసారి అదే పద్ధతిలో ప్రమాదం జరగడంతో అమీర్ ఖాన్ గాయపడ్డాడు. ఈసారి మునుపటి కన్నా గాయం ఎక్కువగా ఉందని, కనీసం మూడు వారాలు విశ్రాంతి అవసరమని అంటున్నారు.