హైదరాబాద్ లో 30 అంతస్ధుల భవనానికి అనుమతి

హైదరాబాద్: హైదరాబాద్ గచ్చిబౌలి ప్రాంతంలో 30 అంతస్తుల భవనం నిర్మాణం కానుంది. ఈ భారీ అపార్టుమెంట్ నిర్మాణానికి అలయెన్స్ గ్రూపు దరఖాస్తు చేసుకోగా దానికి హుడా (హైదరాబాద్ అర్బన్ డెవలప్ మెంట్ అథారిటీ) అనుమతి ఇచ్చింది. అలయెన్స్ స్పేస్ స్టేషన్-1 పేరిట రెసిడెన్షియల్ అపార్టుమెంటును నిర్మించనున్నట్టు ఆ గ్రూపు మేమేజింగ్ డైరెక్టర్ హరి చల్లా మీడియా ప్రతినిధులకు చెప్పారు. 18.5 ఎకరాల్లో ఈ ప్రాజెక్టు రూపుదిద్దుకోనుంది. ఈ అపార్ట్ మెంట్ లో డ్యూప్లెక్స్ లు, పెంట్ హౌస్ లు ఉంటాయని ఆయన చెప్పారు. దాదాపు 87 మీటర్ల ఎత్తుగల ఈ అపార్ట్ మెంటును మూడేళ్ళలో పూర్తి చేయాలని లక్ష్యంగా పెట్టుకున్నారు.