జ్యోతి ఎండిపై ఆధారాలు లేవు: జానా

హైదరాబాద్: మాదిగ రిజర్వేషన్ పోరాట సమితి (ఎమ్మార్పీయస్) నేత మందకృష్ణ మాదిగ చేసిన ఫిర్యాదులో ఆంధ్రజ్యోతి దినపత్రిక మేనేజింగ్ డైరెక్టర్ వైమూరి రాధాకృష్ణపై ఆధారాలు లేవని, అందుకే అరెస్టు చేయలేదని హోం మంత్రి కె. జానారెడ్డి చెప్పారు. ఎవరో చెప్పినంత మాత్రాన అందుకు అనుగుణంగా వ్యవహరించాల్సిన అవసరం తమకు లేదని ఆయన గురువారం మీడియా ప్రతినిధులతో అన్నారు.

ఆంధ్రజ్యోతి ఎండి రాధాకృష్ణ విషయంలో మందకృష్ణ మాదిగ హెచ్చరికలను పట్టించుకోమని ఆయన చెప్పారు. అటువంటి వారు వందలాది మంది రోజూ హెచ్చరికలు చేస్తుంటారని, వాటిని అన్నింటినీ పట్టించుకోలేమని ఆయన అన్నారు. తమకు విజ్ఞప్తులు వచ్చినప్పుడు న్యాయాన్యాయాలు పరిశీలించి, చట్టప్రకారం వీలయ్యే వాటిని పరిష్కరిస్తామని ఆయన చెప్పారు.