ఎవరూ వ్యతిరేకంగా పోరు: డిఎస్

న్యూఢిల్లీ: అణు ఒప్పందంపై ఎవరూ ప్రభుత్వానికి వ్యతిరేకంగా వెళ్తారని అనుకోవడం లేదని ప్రదేశ్ కాంగ్రెస్ కమిటి (పిసిసి) అధ్యక్షుడు డి. శ్రీనివాస్ అన్నారు. రాష్ట్రానికి చెందిన మజ్లీస్ పార్లమెంటు సభ్యుడి మద్దతు విషయంపై, నరేంద్ర మద్దతు విషయంపై తాను సోనియా గాంధీతో మాట్లాడినట్లు ఆయన తెలిపారు. తమ పార్టీ అధ్యక్షురాలు సోనియా గాంధీతో భేటీ అనంతరం ఆయన మీడియా ప్రతినిధులతో మాట్లాడారు.

అణు ఒప్పందం వల్ల దేశానికి ఉపయోగపడుతుందని, దాన్ని ఎలా ఉపయోగించుకోవాలనే విషయంలో సూచనలు ఇవ్వాలి గాని వ్యతిరేకించడం సరి కాదని ఆయన అన్నారు. మద్దతు ఉపసంహరించుకుంటూ వామపక్షాలు రాజకీయ నిర్ణయం తీసుకున్నాయని ఆయన చెప్పారు. క్రమంగా ప్రభుత్వానికి అనుకూలంగా వాతావరణం మారుతుందని ఆయన ఆశించారు.