తెరాస మద్దతుపై చెప్పలేను: మొయిలీ

న్యూఢిల్లీ : తెలంగాణ రాష్ట్ర సమితి (తెరాస) మద్దతు తీసుకునేదీ లేనిదీ ఇప్పుడే చెప్పలేమని కాంగ్రెస్ ప్రధాన కార్యదర్శి వీరప్ప మొయిలీ అన్నారు. తాము ఏ విధమైన బేరసారాలకు ప్రయత్నించడం లేదని ఆయన గురువారం మీడియా ప్రతినిధులతో చెప్పారు. తమకు మద్దతిచ్చే పార్టీల పేర్లు చెప్తే ప్రతిపక్షం ప్రభావితం చేసే అవకాశం ఉందని ఆయన అన్నారు. అణు ఒప్పందంలో రహస్యాలేవీ లేవని ఆయన అన్నారు.

తాము నెగ్గుతామా లేదా అనే ప్రమేయం లేకుండా పార్లమెంటులో బలపరీక్షకు సిద్ధపడుతామని కాంగ్రెస్ అధికార ప్రతినిధి మనీష్ తివారీ అన్నారు. రక్షణ మంత్రి ప్రణబ్ ముఖర్జీ చెప్పిన విషయానికి కట్టుబడి ఉన్నామని ఆయన చెప్పారు. పార్లమెంటు విశ్వాసం పొందిన తర్వాతనే ఐఎఇఎతో చర్చలకు వెళ్తామని ఆయన చెప్పారు.