రాజకీయాల్లోకి రాను: అమీర్ ఖాన్

ముంబయి: రాజకీయాల్లోకి రానని బాలీవుడ్ నటుడు అమీర్ ఖాన్ స్పష్టం చేశారు. అమీర్ ఖాన్ దేశంలోని పర్యాటక రంగాన్ని ప్రోత్సహించడానికి ముందుకు వచ్చారు. భారత ప్రభుత్వం నిర్మిస్తున్న అతిథి దేవోభవ అనే కార్యక్రమంలో ఆయన నటించబోతున్నాడు. టూరిజం శాఖకు బ్రాండ్ అంబాసిడర్ గా ఆయన నియమితులయ్యారు.

అతిథి దేవోభవకు సంబంధించి ఆయన ఇప్పటికే కేంద్ర పర్యాటక శాఖ మంత్రి అంబికా సోనీతో మాట్లాడారు. ఇది వినోదాత్మక రంగానికి చెందింది కాబట్టి తాను పాలు పంచుకుంటున్నానని అమీర్ చెప్పారు. తాను రాజకీయాల్లోకి వచ్చే ప్రసక్తి లేదని స్పష్టం చేశారు.