దేవేందర్ ఎన్టీపిపి వెబ్ సైట్

హైదరాబాద్: తమ పార్టీ వెబ్ సైట్ ను నవ తెలంగాణ ప్రజా పార్టీ (ఎన్టీపిపి)అధ్యక్షుడు టి. దేవేందర్ గౌడ్ శుక్రవారం ఆవిష్కరించారు. ఈ వెబ్ సైట్ లో పార్టీకి సంబంధించిన అన్ని వివరాలను ఉంచుతామని ఆయన చెప్పారు. గ్రామస్థాయి నుంచి పార్టీ నిర్మాణంలో ఈ ఆధునిక సాంకేతిర పరిజ్ఞానాన్ని వాడుకుంటామని ఆయన చెప్పారు. పార్టీ కార్యకర్తల వివరాలతో పాటు సమాచారమంతా వెబ్ సైట్ లో ఉంటుందని ఆయన చెప్పారు.

పార్టీ చేపట్టిన కార్యక్రమాల క్లిప్పింగులు, పార్టీ భవిష్యత్తు కార్యక్రమాల వివరాలు వెబ్ సైట్ లో ఎప్పటికప్పుడు ఉంచుతామని ఆయన అన్నారు. పరిచయ వేదిక కార్యక్రమాల్లో పార్టీ వివరాలు తమకు తెలుస్తున్నాయని చెప్పినప్పుడు తనకు సంతోషం వేసిందని ఆయన చెప్పారు.