ప్రతిభకు మహా కూటమి నేతల మొర

న్యూఢిల్లీ: మహా కూటమి నేతలు మంగళవారం రాష్ట్రపతి ప్రతిభా పాటిల్ ను కలిసి వెంటనే పార్లమెంటు సమావేశాల ఏర్పాటుకు చర్యలు తీసుకోవాలని కోరారు. యుఎన్ పిఎ, వామపక్షాలు, బహుజన సమాజ్ పార్టీ (బిఎస్పీ) నాయకులు రాష్ట్రపతిని కలిశారు. అణు ఒప్పందంపై చర్చకు వెంటనే పార్లమెంటు సమావేశాలు ఏర్పాటు చేయించాలని వారు విజ్ఞప్తి చేశారు. ఇందుకు తనకు గల విశేషాధికారాలను రాష్ట్ర పతి వినియోగించుకోవాలని వారన్నారు.

అణు ఒప్పందంపై వాస్తవాలను ప్రభుత్వం ప్రజల నుంచి దాచుస్తోందని, వాటిని ప్రజలకు తెలియజేయాల్సిన అవసరం ఉందని, ఇందుకు గాను పార్లమెంటు సమావేశాలను వెంటనే ఏర్పాటు చేయడం అవసరమని వారన్నారు. వర్షాకాలం సమావేశాలను ప్రభుత్వం కావాలనే ఏర్పాటు చేయడం లేదని వారు విమర్శించారు. ప్రతిభా పాటిల్ ను కలిసివారిలో సీతారాం ఏచూరి (సిపిఎం), బర్దన్ (సిపిఐ), కె. ఎర్రంనాయుడు (టిడిపి) తదితరులు ఉన్నారు.