మోడీకి నానావతి కమిషన్ క్లీన్చిట్

అహ్మదాబాద్‌ : గోద్రా మారణకాండలో గుజరాత్‌ ముఖ్యమంత్రి నరేంద్రమోడీకి వూరట లభించింది. గోద్రా మారణకాండ, తదనంతరం జరిగిన మతకలహాలను విచారించేందుకు ఏర్పాటైన జస్టిస్‌ నానావతి కమిషన్‌ ఆయనకు క్లీన్‌చిట్‌ ఇచ్చింది. ఇటీవలే కమిషన్‌ తన నివేదికను ప్రభుత్వానికి సమర్పించడం తెలిసిందే.కమిషన్‌ నివేదికను ప్రభుత్వం గురులాకం గుజరాత్‌ శాసనసభ ముందువుంచుంది. సబర్మతీ ఎక్స్‌ప్రెస్‌లోని ఎస్‌-6 బోగీని ముందస్తు కుట్రతోనే తగులబెట్టారని కమిషన్‌ పేర్కొంది.

2002 ఫిబ్రవరి 27వ తేదీన జరిగిన సబర్మతీ ఎక్స్ ప్రెస్ దారుణం ప్రమాదం కాదని నానావతి కమీషన్ స్పష్టం చేసింది. కమీషన్ తన తొలి విడత నివేదికలో ఈ విషయం స్పష్టం చెసింది. దాదాపు 1500 మంది సాక్షులను కమిషన్ విచారించింది. మోడీకి వ్యతిరేకంగా ఏ విధమైన ఆధారాలు లేవని కమీషన్ తెలిపింది. నివేదికను వ్యతిరేకిస్తూ కాంగ్రెస్ సభ్యులు శాసనసభ నుంచి వాకౌట్ చేశారు.