ఢిల్లీలో పేలుళ్ళు: 5 గురు మృతి

న్యూఢిల్లీ: ఢిల్లీలో మళ్ళీ శనివారం నాడు పేలుళ్ళు సంభవించాయి. న్యూఢిల్లీ మహ్రౌలి ప్రాంతంలో జరిగిన ఈ పేలుళ్ళలో ఐదుగురు మరణించగా, 50 మంది గాయపడినట్టు ప్రాధమిక సమాచారం. తీవ్రంగా గాయపడిన ముగ్గురి పరిస్ధితి విషమంగా ఉంది. గాయపడిన వారిని ఆల్ ఇండియా ఇన్ స్టిట్యూట్ ఆఫ్ మెడికల్ సైన్సెస్ కు తరలించారు.

రెండు వారాల క్రితం ఢిల్లీలో ఉగ్రవాదులు వరుస పేలుళ్ళకు పాల్పడిన విషయం తెలిసిందే. మహ్రూలిలోని ఒక ఎలక్ట్రిక్ షాప్ లో పేలుడు సంభవించింది. కొందరు ఒక మోటార్ బైక్ మీద వచ్చి టిఫిన్ బాక్స్ ను అక్కడ వదిలి వెళ్ళిన తర్వాతే పేలుడు సంభవించినట్టు ప్రత్యక్ష సాక్షులు చెబుతున్నారు.