పిసిసి కార్యవర్గానికి సోనియా ఆమోదం

న్యూఢిల్లీ: ప్రదేశ్ కాంగ్రెస్ కమిటీ (పిసిసి) కార్యవర్గానికి కాంగ్రెస్ అధ్యక్షురాలు సోనియా గాంధీ ఆమోద ముద్ర వేసినట్లు సమాచారు. పిసిసి కార్యవర్గం ఖరారు కోసం గత రెండు రోజులుగా పిసిసి అధ్యక్షుడు డి. శ్రీనివాస్ గత రెండు రోజులుగా ఢిల్లీలో ఉన్నారు. ఆయనతో పాటు రాజ్యసభ సభ్యుడు, ముఖ్యమంత్రి డాక్టర్ వైయస్ రాజశేఖర రెడ్డి సన్నిహిత మిత్రుడు కెవి రామచంద్రరావు పిసిసి కార్యవర్గంపై సోనియా గాంధీతో చర్చలు జరిపారు.

వచ్చే ఎన్నికలను దృష్టిలో పెట్టుకుని పిసిసి కార్యవర్గాన్ని ఖరారు చేసినట్లు సమాచారం. ఈ విషయంలో ఇప్పటికే ముఖ్యమంత్రి రాజశేఖర రెడ్డి అభిప్రాయాన్ని సోనియా గాంధీ తెలుసుకున్నారు. డి. శ్రీనివాస్ తో పాటు ముఖ్యమంత్రికి కూడా ఆమోదయోగ్యులైన వ్యక్తులనే పిసిసిలోకి తీసుకున్నట్లు సమాచారం. అయితే పిసిసి కార్యవర్గాన్ని దసరా పర్వదినం తర్వాత వెల్లడించాలని యోచిస్తున్నట్లు సమాచారం.