రాష్ట్రావతరణ దినోత్సవ శుభాకాంక్షలు

హైదరాబాద్‌: ఆంధ్రప్రదేశ్‌ రాష్ట్ర అవతరణ 52వ వార్షికోత్సవాల సందర్భంగా గవర్నర్‌ ఎన్‌డీ తివారీ, ముఖ్యమంత్రి డాక్టర్‌ రాజశేఖర్‌రెడ్డి ప్రజలకు శుభాకాంక్షలు తెలిపారు. తెలుగువారి కోసం ప్రత్యేక రాష్ట్రం కావాలంటూ ఉద్యమించి, సాధించుకున్న రాష్ట్రం అభివృద్ధిపథంలో ఉందన్నారు. ఓర్పు, శాంతి, ఐక్యతల్ని నిలబెట్టుకుంటూ రాష్ట్రాన్ని మరింత అభివృద్ధి పథంలోకి తీసుకెళ్లాలని సూచించారు.

చంద్రబాబు శుభాకాంక్షలు

తెలుగువారందరి పురోభివృద్ధికి తెలుగుదేశం పార్టీ కృతనిశ్చయంతో, అంకితభావంతో పని చేస్తుందని ఆ పార్టీ అధినేత నారా చంద్రబాబు నాయుడు ఉద్ఘాటించారు. ఆంధ్రప్రదేశ్‌ అవతరణ దినోత్సవం సందర్భంగా రాష్ట్ర ప్రజలకు చంద్రబాబు శుభాకాంక్షలు తెలిపారు.