చిరంజీవి వ్యాఖ్యలపై చంద్రబాబు విమర్శ

హైదరాబాద్ : తెలంగాణ అంశంపై కొన్ని పార్టీల వైఖరి మారడాన్ని కుటుంబ నియంత్రణతో పోల్చిన చిరంజీవి వ్యాఖ్యలను టిడిపి అధినేత చంద్రబాబు తప్పుపట్టారు. రాజకీయ అవగాహన రాహిత్యం వల్లే చిరంజీవి ఇలాంటి వ్యాఖ్యలు చేసి ఉండవచ్చని బాబు అభిప్రాయపడ్డా రు. లేకపోతే ఎవరో రాసిస్తే చదివి ఉంటారని ఎద్దేవా చేశారు.

ఆంధ్రప్రదేశ్‌ అవతరణ దినోత్సవ సందర్భంగా టిడిపి భవన్‌లో ఏర్పాటు చేసిన కార్యక్ర మంలో పాల్గొన్న చంద్రబాబు చరిత్రలో ఈ రోజు ప్రాధాన్యాన్ని వివరించారు. చిరంజీవి జగిత్యాల సభలో చేసిన వ్యాఖ్యల్ని ఉటంకిస్తూ, తెలంగాణ లాంటి సున్నిత అంశాన్ని కుటుంబ నియంత్రణతో పోల్చ డం చిరంజీవి హేళన స్వభావానికి నిదర్శనమని ధ్వజమెత్తారు.