నారిమాన్ హౌస్ లో ఇంకా కాల్పులు

ముంబయి: ఒబెరాయ్ హోటల్, నారిమాన్ హౌస్ ల్లో శుక్రవారం కూడా కాల్పులు కొనసాగుతున్నాయి. నారిమాన్ హౌస్ లో ఇద్దరు, ముగ్గురు మిలిటెంట్లు ఉన్నట్లు అనుమానిస్తున్నారు. హెలికాప్టర్ ద్వారా జాతీయ భద్రతా దళాల కమెండోలు నారిమాన్ హౌస్ పైకి దిగారు. చుట్టూ రెసిడెన్షియల్ ఏరియా కావడంతో జాగ్రత్తగా వ్యవహరిస్తున్నారు.

శుక్రవారం తెల్లవారు జామున నారిమాన్ హౌస్ నుంచి 15 నిమిషాల వ్యవధిలో రెండు పేలుళ్ల శబ్దాలు వినిపించాయి. మూడో పేలుడు తెల్లవారు జామున 4.47 గంటల ప్రాంతంలో జరిగింది. నారిమాన్ హౌస్ క్లీనప్ ఆపరేషన్ ఇంకా కొనసాగుతోందని జాతీయ భద్రతా దళాల డైరెక్టర్ జనరల్ జెకె దత్ చెప్పారు. ఈ మధ్యాహ్నానికి ఆపరేషన్ పూర్తి కావచ్చునని భావిస్తున్నారు.