అందుకే పవన్ కు పదవి: నాగబాబు

నెల్లూరు: సామాజిక స్పృహ ఉన్నందునే పవన్‌కల్యాణ్‌కు పార్టీ పదవి ఇచ్చామని ప్రజారాజ్యం పార్టీ నాయకుడు నాగబాబు అన్నారు. తమది ప్రజోపయోగ మానిఫెస్టో అని గ్రామస్వరాజ్యం, సామాజికన్యాయం, మహిళాసాధికారికత తదితర అంశాలు అందులో ఉంటాయని ఆయన నెల్లూరులో అన్నారు. జిల్లాలో మూడురోజుల పర్యటనకోసం వచ్చిన ఆయన మీడియాతో మాట్లాడారు. ఈ సందర్భంగా పలు అంశాలను ఆనయ ప్రస్తావించారు.

పార్టీ గుర్తుపై ఎలాంటి మీమాంస లేదని అన్నారు. సామాజిక న్యాయం సరిగా ఉండేట్లు చూడటం వల్ల ఇంకా జిల్లా కమిటీలు ప్రకటించలేకపోయామని అన్నారు. రెండురోజుల్లో నెల్లూరుతోసహా అన్ని జిల్లాలకు కమిటీలను ప్రకటిస్తామని అన్నారు. నియోజకవర్గాలవారీగా ఆయన పార్టీ పరిస్థితిని సమీక్షిస్తున్నారు.