యాదగిరి గుట్టలో చిరు పూజలు

నల్లగొండ: ప్రజారాజ్యం పార్టీ అధినేత చిరంజీవి గురువారంనాడు నల్లగొండ జిల్లాలోని యాదగిరి గుట్టకు చేరుకున్నారు. యాదగిరి గుట్టలో జరిగే ప్రజా అంకిత సభ ఆయన ప్రసంగిస్తారు. ఈ సభ కోసం భారీ ఏర్పాట్లు చేశారు. అయితే చిరంజీవి తన ప్రత్యేక వాహనం మీంచే ప్రసంగిస్తారు. ఆయన సతీసమేతంగా యాదగిరి గుట్టకు చేరుకుని లక్ష్మీ నరసింహ స్వామికి ప్రత్యేక పూజలు నిర్వహించారు.

అంతకు ముందు ఆయన మార్గమధ్యలో ఘట్కేసర్ సమీపంలోని హంసాపూర్ దర్గాలో కూడా ప్రత్యేక పూజలు చేశారు. ఆయన గురువారంనాడు యాదగిరి గుట్ట, భువనగిరి, నక్రేకల్ సభల్లో ప్రసంగిస్తారు. రాష్ట్ర హైకోర్టు రోడ్ షోలను నిషేధించడంతో ఆయన బహిరంగ సభల్లో మాత్రమే పాల్గొంటున్నారు.