జిల్లా జైలుకు 'అవినీతి చేప'

విజయవాడ: అక్రమాస్తుల ఆరోపణలతో సంచలనం సృష్టించిన మత్స్యశాఖ ఈ సూర్యనారాయణను ఏసీబీ అధికారులు ఈరోజు కోర్టులో హాజరుపరిచారు. అనంతరం ఆయన మీడియాతో మాట్లాడుతూ తనవి అక్రమ ఆస్తులు కాదని, తన ఆస్తులు అన్నిటికి లెక్కలు ఉన్నాయని అన్నారు. తనకు ఏ రాజకీయ నాయకులతోను సంబంధాలు లేవన్నారు. తన ఇంటిపై 1998లో కూడా ఏసీబీ అధికారులు దాడి చేశారని, అప్పుడు కూడా అన్నిటికి లెక్కలు చూపానని తెలిపారు. కోర్టు ఆయనకు రిమాండ్‌ విధించినందున పోలీసులు అతనిని జిల్లా జైలుకు తరలించారు.