పవన్‌ కళ్యాణ్‌తో దేవేందర్‌ గౌడ్‌ భేటీ

హైదరాబాద్: ప్రజారాజ్యం పార్టీ యువసారథి పవన్‌కళ్యాణ్‌తో గురువారం దేవేందర్‌ గౌడ్‌ భేటీ అయ్యారు. పవన్‌కళ్యాణ్‌ నివాసంలో రెండు గంటల పాటు సాగిన వీరి సమావేశంలో వచ్చే అసెంబ్లీ ఎన్నికల వ్యూహంపైనే ప్రధానంగా చర్చ సాగినట్లు తెలుస్తున్నది. అయితే సమావేశ వివరాలను వెల్లడించడానికి పవన్‌కళ్యాణ్‌ తిరస్కరించడం గమనార్హం.

తెలుగుదేశం పార్టీని వీడి, నవ తెలంగాణ పార్టీ స్థాపించి, ప్రజారాజ్యం పార్టీకి చేరువైన దేవేం దర్‌ గౌడ్‌ ఒక దశలో తన పార్టీని 'చిరు' పార్టీలో విలీనం చేస్తారంటూ వార్తలు వెలువడడం తె లిసిందే. అయితే తమ స్నేహం కేవలం పొత్తులకే పరిమితమని తేల్చి చెప్పిన దేవేందర్‌ గౌడ్‌, ఆ పార్టీతో కలిసి పనిచేసే వ్యూహాలపై దృష్టి సారించినట్లు తెలుస్తున్నది.