• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అది వాళ్లబ్బ సొమ్మా? పవన్

By Staff
|

Pawan Kalyan
కరీంనగర్: మాట మాట్లాడితే సంక్షేమ పథకాలు వల్లె వేస్తున్నారు. వాటినేమైనా వాళ్లబ్బ సొమ్ముతో చేపట్టారా? ఈ సంక్షేమ పథకాలు ప్రజల జీవితాల్లో ఏ మాత్రం మార్పును తీసుకురాలేకపోయాయి. కానీ.. కాంగ్రెస్‌ నేతల ఆస్తులను మాత్రం పెంచడానికి దోహదపడుతున్నాయి. నిరుపేదల ప్రాణాలు కాపాడలేని రాజీవ్‌ ఆరోగ్యశ్రీ గురించి డబ్బాలు కొడుతున్నారు అంటూ యువరాజ్యం అధ్యక్షుడు పవన్ కళ్యాణ్ ప్రభుత్వ పధకాలపై విరుచుకు పడ్డారు. నాలుగు రోజుల పర్యటనలో భాగంగా మంగళవారం కరీంనగర్‌ వచ్చిన పవన్‌ కల్యాణ్‌ కొండగట్టు ఆంజనేయస్వామిని దర్శించుకున్నారు.అనంతరం జరిగిన రోడ్‌షోలో వివిధ ప్రాంతాల్లోనూ.. మీడియా సమావేశంలోనూ ఆయన ప్రసంగించారు.

అలాగే తెలంగాణ విభజనను ప్రస్దావిస్తూ..."తెలంగాణ ఏర్పాటుపై అటు కాంగ్రెస్‌కు, ఇటు టీఆర్‌ఎస్‌కు చిత్తశుద్ధి లేదు. ప్రత్యేక రాష్ట్ర ఏర్పాటు అంశాన్ని దశాబ్దాలుగా కాంగ్రెస్‌ నాన్చుతోంది. తెలంగాణ పేరిట టీఆర్‌ఎస్‌ రాజకీయ పబ్బం గడుపుకొంటోంది. కాంగ్రెస్‌ పార్టీకి ఒకటే శరీరం. కానీ వేయి తలలు. అందుకే ఒక్కో తల ఒక్కో రకంగా మాట్లాడుతోంది. తెలంగాణ అంశంపై కాంగ్రెస్‌కు స్పష్టత, చిత్తశుద్ధి లేవు. అవే ఉంటే ఇంతకాలం నాన్చేది కాదు'' అని పవన్‌ కల్యాణ్‌ విమర్శించారు.

ఇదే అంశంపై కేసీఆర్‌ చిత్తసుద్దిని ప్రశ్నించారు. నాలుగున్నరేళ్లుగా ఢిల్లీలో కూర్చున్న కేసీఆర్‌ ఏం చేశారు? జంతర్‌మంతర్‌ వద్ద నిరాహారదీక్షను ప్రారంభిస్తూ.. తెలంగాణపై కేంద్రంతో తాడోపేడో తేల్చుకుంటానని ప్రగల్భాలు పలికిన ఆయన ఉద్యమాన్ని ఒక్కరోజుకే ఎందుకు అటకెక్కించారు? రాజకీయాలను వృత్తిగా చేసుకొనేందుకు చిరంజీవి ప్రజారాజ్యాన్ని స్థాపించలేదు. దోపిడీపాలన నుంచి విముక్తి కల్పించి.. ప్రజలకు సుఖమయ జీవనం అందించాలన్న లక్ష్యంతోనే ప్రజారాజ్యాన్ని స్థాపించారు. ప్రజలారా మేల్కోండి.. దోపిడీరాజ్యం కావాలో.. ప్రజారాజ్యం కావాలో తేల్చుకోండి.''పీఆర్పీ మాత్రం మొదట్నించీ తెలంగాణపై స్పష్టంగా ఉందన్నారు. అధికారంలోకి రాగానే అసెంబ్లీలో తీర్మానం ప్రవేశపెట్టి ప్రత్యేక రాష్ట్ర ఏర్పాటుకు చొరవ చూపుతామన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X