జింబాబ్వే ప్రధాని భార్య దుర్మరణం

హరారే: జింబాబ్వే ప్రధాని మోర్గాన్‌ స్వంగిరాయ్‌ భార్య సుసాన్‌ ఓ రోడ్డు ప్రమాదంలో మరణించారు. ప్రధాని తన భార్యతో కలిసి సొంత వూరుకు కారులో వెళ్తుండగా ఓ లారీ అదుపుతప్పి కారును ఢీకొనటంతో ఈ ప్రమాదం సంభవించింది. ఈ ఘటనలో ప్రధానికూడా స్వల్పంగా గాయపడ్డారు. మూమెంట్‌ ఫర్‌ డెమొక్రటిక్‌ ఛేంజ్‌ నేత అయిన మోర్గాన్‌ గత నెలలోనే ప్రధానిగా ప్రమాణస్వీకారం చేశారు. ఆయనకు ఆరుగురు పిల్లలు ఉన్నారు. ఆసుపత్రిలో ఉన్న ప్రధానిని దేశాధ్యక్షుడు రాబర్ట్‌ ముగాబే పరామర్శించారు.