అవినీతి ఘనత కాంగ్రెస్సుదే: వెంకయ్య

వరంగల్‌: యూపీఏ ప్రభుత్వ హయాంలో అవినీతిలో కూరుకపోయిన ఐదుగురు మంత్రులు జైలు జీవితరం గడుపుతున్న ఘనత కాంగ్రెస్‌ కే దక్కుతుందని భారతీయ జనతా పార్టీ (బిజెపి) జాతీయ ఉపాధ్యక్షుడు ఎం.వెంకయ్యనాయుడు ధ్వజమెత్తారు. ఎన్నికల ప్రచారంలో భాగంగా వరంగల్‌ నగరంలో ఆయన గురువారం ప్రచారం నిర్వహించారు. యూపీఏ ఐదేళ్ల పాలనలో దేశం అధోగతి పాలైందన్నారు.

రూపాయి విలువ పడిపోవడంతో నిత్యావసర వస్తువుల ధరలు ఆకాశాన్నంటాయన్నారు. ప్రధాన మంత్రి చేతగాని తనం వల్ల దేశంలో ఉగ్రవాదం, తీవ్రవాదం పెరిగిపోయిందని విమర్శించారు. దేశంలో శాంతియుత వాతావరణం ఉండాలంటే ప్రజలంతా తమ పార్టీకి ఓటేసి అధికారంలోకి తీసుకురావాలని కోరారు.