అద్వానీపైకి బిజెపి కార్యకర్త స్లిప్పర్

భోపాల్: భారతీయ జనతా పార్టీ (బిజెపి) అగ్రనేత ఎల్ కె అద్వానీపైకి ఆ పార్టీ కార్యకర్త ఒకతను స్లిప్పర్ విసిరాడు. పవాస్ అగర్వాల్ అనే ఆ కార్యకర్తలను పోలీసులు అదుపులోకి తీసుకున్నారు. మధ్యప్రదేశ్ లోని కాట్ని ఎన్నికల ర్యాలీలో ఈ సంఘటన చోటు చేసుకుంది.

అప్పటి అమెరికా అధ్యక్షుడు జార్జి బుష్ పైకి ఒక జర్నలిస్టు బూటు విసరడంతో ప్రారంభమైన ఈ మానియా ఇంకా కొనసాగుతూనే ఉంది. తాజాగా కేంద్ర హోంమంత్రి పి.చిదంబరంపైకి జర్నైల్ అనే జర్నలిస్టు బూటు విసిరి భారతదేశం సంచలనం కలిగించాడు. సిక్కుల ఊచకోత కేసులో టైట్లర్ కు సిబిఐ క్లీన్ చిట్ ఇవ్వడాన్ని నిరసిస్తూ అతను చిదంబరంపైకి బూటు విసిరాడు.