బాలకృష్ణ పొలిటికల్ విందు

హైదరాబాద్‌: బాలకృష్ణ తొలిసారి రాజకీయ విందు ఇచ్చి తన అనుచరులకు మరింత సన్నిహితమయ్యారు. ఎన్నికల్లో టీడీపీ తరఫున ప్రచారం నిర్వహించిన బాలకృష్ణ ప్రచారంలో తనకు సహకరించినవారికి ఆదివారం రాత్రి ఇక్కడ విందు ఇచ్చారు. హైదరాబాద్‌ అన్నపూర్ణా స్టూడియోకు సమీపంలోని ఎబోనీ హోటల్‌లో ఈ కార్యక్రమాన్ని ఏర్పాటు చేశారు.

ఈ ఎన్నికల్లో 6200 కిలోమీటర్లు పర్యటించినదానికి గుర్తుగా 100 మంది వలంటీర్లకు, ప్రచారంలో తనకు సహకరించిన నేతలకు జ్ఞాపికలు అందజేసి, పేరుపేరునా కృతజ్ఞతలు తెలిపారు. ఈ కార్యక్రమంలో పాల్గొన్నవారిలో టీడీపీ సీనియర్‌ నేతలు కంభంపాటి రామ్మోహన్‌ రావు, మాగంటి గోపీనాథ్‌, రవి ఉన్నారు.