పాక్ పేలుళ్లు: 30 మంది మృతి

లాహోర్: పాకిస్తాన్ లోని లాహోర్ నగరంలోని మాల్ రోడ్డులో బుధవారం భారీ పేలుడు సంభవించింది. లాహోర్ హైకోర్టు సమిపంలోని పోలీసు భవనం వెలుపల ఈ పేలుడు సంభవించింది. ఈ పేలుడు ధాటికి రెండు భవనాలు, 50 కార్లు ధ్వంసమైనట్లు తెలుస్తోంది. పలువురు గాయపడ్డారు. మరణాల గురించి ఇంకా తెలియడం లేదు. ఈ పేలుళ్లలో కనీసం 30 మంది మరణించగా, 150 దాకా గాయపడ్డారు. మృతుల సంఖ్య పెరగవచ్చునని భావిస్తున్నారు.

పేలుడులో పలు వాహనాలు ధ్వంసమైనట్లు, పలువురు గాయపడినట్లు, గాయపడినవారిని ఆస్పత్రులకు తరలించినట్లు పోలీసు అధికారి మొహమ్మద్ అస్ఫాక్ చెప్పారు. పేలుళ్ల తర్వాత కాల్పుల శబ్దాలు కూడా వినిపించాయి. పేలుడు ధాటికి పాకి నిఘా సంస్థ ఐఎస్ఐ పంజాబ్ కేంద్ర కార్యాలయం భవంతి కూడా ధ్వంసమైంది.