ఇద్దరు టిడిపి కార్యకర్తల హత్య

గుంటూరు: గుంటూరు జిల్లాలో ఫాక్షన్ కక్షలు పడగ విప్పాయి. ఇద్దరు తెలుగుదేశం కార్యకర్తలు దారుణ హత్యకు గురయ్యారు. కాంగ్రెసు కార్యకర్తలు తెలుగుదేశం కార్యకర్తలపై దాడి చేసి హత్య చేసినట్లు ఆరోపణలు వస్తున్నాయి. ఈ సంఘటన జిల్లాలోని గురజాల మండలం దైద గ్రామంలో జరిగింది. తెలుగుదేశం కార్యకర్తలు హన్మంతు, అమరయ్యలను కాళ్లను కాంగ్రెసు కార్యకర్తలు వేటకొడవళ్లతో నరికారు. దీంతో వారిద్దరు మృతి చెందారు. నిందితుల కోసం పోలీసులు వేట కొనసాగిస్తున్నారు.