దేవేందర్ పార్టీని వీడరు: చిరు

హైదరాబాద్: తమ పార్టీ నాయకుడు టి.దేవేందర్ గౌడ్ రాజీనామా చేస్తారని వస్తున్న వార్తలను ప్రజారాజ్యం పార్టీ అధినేత చిరంజీవి ఖండించారు. దేవేందర్ గౌడ్ పార్టీని వీడబోరని ఆయన బుధవారం మీడియా ప్రతినిధులతో చెప్పారు. దేవేందర్ గౌడ్ ఎక్కడికీ వెళ్లరని తమతోనే ఉంటారని ఆయన చెప్పారు. దేవేందర్ గౌడ్ రోజూ తనతో మాట్లాడుతూనే ఉన్నారని ఆయన చెప్పారు.

దేవేందర్ గౌడ్ పార్టీని వీడుతున్నట్లు జరుగుతున్న ప్రచారం మీడియా సృష్టేనని చిరంజీవి విమర్శించారు. గోదావరి నదిపై మహారాష్ట్ర ప్రభుత్వం అక్రమంగా నిర్మిస్తున్న బాబ్లీ ప్రాజెక్టుకు వ్యతిరేకంగా చేపట్టబోయే ఆందోళనా కార్యక్రమానికి దేవేందర్ గౌడే రూపకల్పన చేస్తున్నారని ఆయన చెప్పారు.