ముంబై పేలుళ్లు: 6న శిక్ష ఖరారు

ముంబై: 2003 ముంబై పేలుళ్ల దోషులకు శిక్ష ఖరారును పొటా ప్రత్యేక న్యాయమూర్తి ఎంఆర్ పౌరాణిక్ వాయిదా వేశారు. ఈ నెల 6వ తేదీన ఆయన దోషులకు శిక్షను ఖరారు చేయనున్నారు. ఆస్రాత్ అన్సారీ, హనీఫ్ సయీద్ అనీస్, అతని భార్య ఫెహ్మదా సయీద్ లను ప్రత్యేక కోర్టు దోషులుగా నిర్ధారించిన విషయం తెలిసిందే.

ముంబై జంట పేలుళ్ల కేసులో ప్రత్యేక న్యాయమూర్తి గతవారం దోషులుగా నిర్ధారించిన విషయం తెలిసిందే. ఆ జంట పేలుళ్లలో 52 మంది మరణించగా, వంద మంది దాకా గాయపడ్డారు. దోషులకు జీవిత ఖైదు గానీ, మరణశిక్ష గానీ పడే అవకాశం ఉంది. తాను కఠినమైన శిక్షను కోరుతానని పబ్లిక్ ప్రాసిక్యూటర్ ఉజ్వల్ నిఖమ్ చెప్పారు.