దెబ్బ వల్లే మురళీనాథ్ మృతి?

హైదరాబాద్: తీవ్రమైన గాయాల వల్లనే ఢిల్లీలోని సాయుధ కానిస్టేబుల్ మరణించినట్లు అనుమానిస్తున్నారు. తల వెనక భాగంలో ఆయనకు తీవ్రమైన గాయమైనట్లు చెబుతున్నారు. దాన్ని దాచిపెట్టడానికే అధికారులు ప్రయత్నించారనే విమర్శలు వస్తున్నాయి. కాగా, మురళీనాథ్ మృతదేహానికి ఉస్మానియా ఆస్పత్రిలో రీపోస్టుమార్టం జరుగుతోంది. కుటుంబ సభ్యులకు కూడా మురళీనాథ్ మృతదేహాన్ని పూడ్చి పెట్టారు. గొడవ జరగడంతో ఆయన మృతదేహాన్ని హైదరాబాదులోని ఉస్మానియా ఆస్పత్రికి తరలించారు.

ఇదిలావుంటే, తనకు బెదిరింపు ఫోన్ కాల్స్ వస్తున్నాయని మురళీనాథ్ కుటుంబానికి న్యాయసలహాలు అందిస్తున్న న్యాయవాది శ్రీనివాస్ అంటున్నారు. ఈ మేరకు హైదరాబాదులోని కుషాయిగుడా పోలీసులకు ఫిర్యాదు కూడా చేశారు. మరో వైపు ఐపియస్ అధికారి వివేక్ దూబే నివాసంలో మురళీనాథ్ మృతిపై విచారణ జరుగుతున్నట్లు తెలుస్తోంది. ఢిల్లీ నుంచి సివిల్ దుస్తుల్లో పోలీసు అధికారులు చాలా మంది వివేక్ దూబే ఇంటికి వచ్చిపోతున్నట్లు తెలుస్తోంది. విచారణ కోసమే వారు వస్తున్నట్లు తెలుస్తోంది. అయితే ఎవరు కూడా అందుకు సంబంధించిన సమాచారం చెప్పడం లేదు.