స్వైన్ ఫ్లూ: పూణేలో బాలిక మృతి

పూణే: స్వైన్ ఫ్లూ వ్యాధి పూణేను వణికిస్తోంది. స్వైన్ ఫ్లూ వ్యాధి సోకిన 13 ఏళ్ల బాలిక మృతి చెందింది. దీంతో భారతదేశంలో స్వైన్ ఫ్లూ మరణించినవారి సంఖ్య 8కి చేరింది. ఈ తాజా మరణంతో పూణేలో స్వైన్ ఫ్లూ వల్ల మరణించినవారి సంఖ్య ఐదుకు చేరింది. మహారాష్ట్రలోనే స్వైన్ ఫ్లూ మరణాలు ఐదు సంభవించాయి.

మంగళవారం ఉదయం అహల్యాదేవి పాఠశాలకు చెందిన శ్రుతి గవాడే అనే బాలిక మృత్యువాత పడింది. నారాయణపేటకు చెందిన శ్రుతిని ఈ నెల 7వ తేదీన వెంటిలేటర్ పై ఉంచారు. ప్రైవేట్ అస్పత్రి నుంచి ఆమెను చాలా క్లిష్టమైన పరిస్థితిలో ససూన్ ఆస్పత్రికి తెచ్చారు. చెన్నైలో సోమవారం ఇద్దరు మరణించారు. కాగా, పూణేలో సోమవారం సాయంత్రం ఫార్మాసిస్టు మరణించాడు.