షైనీ అహుజాపై చార్జిషీట్ దాఖలు

ముంబై: పని మనిషిని అక్రమంగా నిర్బంధించి, ఆమెపై అత్యాచారం చేసిన కేసులో బాలీవుడ్ నటుడు షైనీ అహుజాపై పోలీసులు 109 పేజీల చార్జిషీట్ దాఖలు చేశారు. నిందితుడికి, బాధితురాలికి జరిపిన వైద్య, ఫోరెన్సిక్ నివేదిలను ఈ చార్జిషీట్ తో జతపరిచారు. బాధితురాలికి ఫిర్యాదు చేయడానికి సహకరించినవారి, ఇరుగుపొరుగువారితో పాటు సాక్షుల వాంగ్మూలాలు కూడా ఉన్నాయి.

బాధితురాలి వాంగ్మాలాన్ని పోలీసులు మెజిస్ట్రేట్ ముందు రికార్డు చేశారు. జూన్ 15వ తేదీ నుంచి షైనీ అహుజా గట్టి భద్రత మధ్య ఆర్థర్ రోడ్ సెంట్రల్ ముంబై జైల్లో ఉంటున్నాడు. అతని జ్యుడిషియల్ కస్టడీ గురువారంతో ముగుస్తుంది. జూన్ 14వ తేదీన అహుజా బాధితురాలిని నీళ్ల కోసం తన గదికి పిలిచి ఆమె లోనికి రాగానే గదికి గడియ వేసి ఆమెపై అత్యాచారానికి పాల్పడ్డాడని పోలీసులు అంటున్నారు.