మరో రెండు స్వైన్ ఫ్లూ మరణాలు

హైదరాబాద్: రాష్ట్రంలో స్వైన్ ఫ్లూ రోజు రోజుకూ విస్తరిస్తోంది. ప్రభుత్వం నివారణ చర్యలు చేపట్టామని చెబుతున్న స్వైన్ ఫ్లూ మరణాలు ఆగడం లేదు. తాజాగా బుధవారం హైదరాబాదులో మరో రెండు స్వైన్ ఫ్లూ మరణాలు నమోదయ్యాయి. దీంతో రాష్ట్రంలో స్వైన్ ఫ్లూ వల్ల మరణాల సంఖ్య 52కు చేరుకుంది.

సికింద్రాబాదులోని కవాడిగుడాకు చెందిన రాకేష్ విశాల్ అనే వ్యక్తి హైదరాబాదులోని ఉస్మానియా జనరల్ ఆస్పత్రిలో మరణించాడు. అలాగే, సికింద్రాబాదులోని గాంధీ ఆస్పత్రిలో నస్రీన్ పర్వీన్ అనే మహిళ స్వైన్ ఫ్లూ వ్యాధితో మరణించింది. ఈ రెండు ఆస్పత్రులు కూడా ప్రభుత్వ ఆధ్వర్యంలో నడుస్తున్నాయి.