పొంగుతున్న కుందూ: నంద్యాలకు భయం

కర్నూలు: కర్నూలు జిల్లాలోని నంద్యాలకు వరద ముప్పు పొంచి ఉంది. నంద్యాలలోని పలు లోతట్టు ప్రాంతాలు ఇప్పటికే జలమయం అయ్యాయి. కుందూ నది పొంగి పొర్లుతోంది. కుందూలోకి ఎగువ నుంచి లక్షా 50 వేల క్యూసెక్కుల వరద నీరు వచ్చి చేరుతోంది. దీంతో నంద్యాలకు వరద భయం పట్టుకుంది. ఆర్టీసి డిపోలోకి నీరు వచ్చి చేరింది.

నంద్యాలలోని పలు లోతట్టు ప్రాంతాల్లో నీరు చేరింది. లోతట్టు ప్రాంతాల ప్రజలను అధికారులు సురక్షిత ప్రాంతాలకు తరలిస్తున్నారు. మద్దిలేటి వాగు కూడా పొంగి పొర్లుతోంది. బ్యాక్ వాటర్ వచ్చి చేరుతుండడంతో నంద్యాలలో వరద పెరిగే ప్రమాదమే ఉంది తప్ప తగ్గే అవకాశం లేదని భావిస్తున్నారు.