జగన్ కోసం ఢిల్లీకి వెళ్లిన కెవిపి రామచందర్ రావు

హైదరాబాద్: దివంగత నేత వైయస్ రాజశేఖర రెడ్డి తనయుడు వైయస్ జగన్ కు ఢిల్లీలో రాజ్యసభ సభ్యుడు కెవిపి రామచందర్ రావు పూర్వరంగం తయారు చేయనున్నారు. ఆయన శుక్రవారం ఢిల్లీకి బయలు దేరి వెళ్లారు. కాంగ్రెసు రాష్ట్ర వ్యవహారాల ఇంచార్జి వీరప్ప మొయిలీ పుస్తకావిష్కరణ సభలో పాల్గొనేందుకు కెవిపి ఢిల్లీ వెళ్లినట్లు పార్టీ వర్గాలు చెబుతున్నాయి. అయితే, జగన్ కు ఈ మధ్య కాలంలో పార్టీ అధిష్టానం నుంచి ఆహ్వానం అందవచ్చునని, దానికి పూర్వరంగం సిద్ధం చేయడానికే కెవిపి ఢిల్లీ వెళ్లారని రాజకీయ వర్గాలు అంటున్నాయి.

ఢిల్లీకి బయలుదేరి వెళ్లే ముందు కెవిపిని మంత్రులు దానం నాగేందర్, పితాని సత్యనారాయణ కలిశారు. కెవిపితో వారు రహస్య మంతనాలు జరిపారు. ఆ తర్వాత కెవిపి ముఖ్యమంత్రి కె.రోశయ్యను ఆయన నివాసానికి వెళ్లి కలుసుకున్నారు. అక్కడి నుంచి కెవిపి నేరుగా విమానాశ్రయానికి వెళ్లి ఢిల్లీకి బయలుదేరి వెళ్లారు.