• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజీ ఫార్ములా: జగన్ కు కేంద్ర మంత్రి పదవి

By Pratap
|

YS Jagan
న్యూఢిల్లీ: రాష్ట్ర పార్టీలో తలెత్తిన సంక్షోభాన్ని పరిష్కరించడానికి కాంగ్రెసు అధిష్టానం రాజీ ఫార్ములాను రూపొందించినట్లు తెలుస్తోంది. ముఖ్యమంత్రి పదవి ఆశిస్తున్న కడప పార్లమెంటు సభ్యుడు వైయస్ జగన్ ను ప్రధాని మన్మోహన్ మంత్రి వర్గంలోకి తీసుకునేందుకు సంసిద్ధత వ్యక్తం చేస్తూ ఆ రాజీ ఫార్ములాను రూపొందించినట్లు ప్రచారం జరుగుతోంది. ఆయనకు షిప్పింగ్ శాఖను ఇవ్వజూపుతున్నట్లు సమాచారం. త్వరలో జగన్ పార్టీ అధ్యక్షురాలు సోనియా గాంధీని కలుస్తారని, ఈ భేటీ తర్వాత అనిశ్చితికి తెర పడుతుందని అంటున్నారు. జగన్ వర్గీయుల పట్టు వల్ల రాష్ట్రంలో ముఖ్యమంత్రి కె.రోశయ్య పూర్తి స్థాయిలో పని చేయలేకపోతున్నారనే విమర్శలు వినిపిస్తున్నాయి. కాంగ్రెసు లెజిస్లేచర్ పార్టీ (సిఎల్పీ) సమావేశం కూడా ఏర్పాటు చేయలేని స్థితిలో కాంగ్రెసు పడిందని, శాసనసభఆ సమావేశాలను కూడా ఏర్పాటు చేయలేకపోతోందని, జగన్ వ్యవహారం తేలితే గాని అది సాధ్యం కాదని భావిస్తున్నారు. ఈ స్థితిలో గ్రేటర్ హైదరాబాద్ ఎన్నికల లోపే అనిశ్చిత తెర దింపాలనే ఆలోచనలో పార్టీ అధిష్టానం ఉన్నట్లు సమాచారం.

అయితే గతంలో కూడా జగన్ కు కేంద్ర మంత్రి వర్గంలో స్థానం కల్పించేందుకు పార్టీ అధిష్టానం ముందుకు వచ్చింది. అయితే దాన్ని జగన్ అంగీకరించలేదని ప్రచారం జరిగింది. ముఖ్యమంత్రి పదవి తప్ప మరోటి అక్కర లేదనే పద్ధతిలో ఆయన వ్యవహరించారని అంటారు. ప్రస్తుత స్థితిలో కేంద్ర మంత్రి పదవికి అంగీకరించడమే మేలనే పరిస్థితికి జగన్ వచ్చినట్లు చెబుతున్నారు. వీలైతే పులివెందుల నుంచి శాసనసభకు పోటీ చేయాలని ఆయన లక్ష్యంగా పెట్టుకున్నప్పటికీ అది అంత సులభం కాదని తేలిపోయిందని అంటున్నారు. కొండా సురేఖ రాజీనామా వ్యవహారం, గ్రేటర్ హైదరాబాద్ ఎన్నికల నేపథ్యంలో జగన్ శిబిరం వ్యవహరించిన తీరు జగన్ కు మరింత ప్రతికూలంగా మారినట్లు చెబుతున్నారు. ఈ స్థితిలో దక్కిందే బంగారం అనే ఆలోచనకు జగన్ వచ్చినట్లు చెబుతున్నారు.

కాంగ్రెసు సీనియర్ నాయకులు కొంత మంది చేస్తున్న వ్యాఖ్యలను జగన్ శిబిరం తక్కువగా అంచనా వేసి ఎదురు దాడికి దిగడం కలిసి రాలేదని చెబుతున్నారు. పలికింది కేశవరావు, వి. హనుమంతరావు వంటి సీనియర్ నాయకులే అయినా పలికించింది అధిష్టానం అనే విషయాన్ని గుర్తించలేక జగన్ తప్పులో కాలేసినట్లు భావిస్తున్నారు. వైయస్ రాజశేఖర రెడ్డి ఆత్మీయ మిత్రుడు కెవిపి రామచందర్ రావు కూడా అధిష్టానానికి అణగి మణగి ఉండడమే మేలనే స్థితికి వచ్చినట్లు చెబుతున్నారు. కెవిపి లేకుండా రాజకీయాలు నడపడం ఎంత ప్రమాదమో జగన్ కు తెలిసి వచ్చిందని అంటున్నారు. దీంతో ప్రస్తుతానికి రాజీయే మేలని భావించి దిగి వచ్చేందుకు ఆయన సిద్ధపడినట్లు చెబుతున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X