సైకిల్ పై స్వారీకి మజ్లీస్ మంతనాలు?

హైదరాబాద్: గ్రేటర్ హైదరాబాద్ పీఠంపై మజ్లీస్ పార్టీ కన్ను వేసినట్లు కనిపిస్తోంది. తెలుగుదేశం పార్టీతో కలిసి మజ్లీస్ మేయర్ పీఠాన్ని దక్కించుకోవాలనే ఆలోచనలో ఉన్నట్లు తెలుస్తోంది. హైదరాబాదులోని 150 డివిజన్లలో 109 డివిజన్ల ఫలితాలు తెలుస్తుండగా తెలుగదేశం పార్టీ 34 డివిజన్లలో ఆధిక్యతలో ఉంది. వీటిలో ఇప్పటికే 28 స్థానాలను గెలుచుకుంది. కాంగా, మజ్లీస్ పార్టీ 28 డివిజన్లను గెలుచుకోగా మరో 6 స్థానాల్లో ఆధిక్యతలో ఉంది. కాంగ్రెసు పార్టీ 32 డివిజన్లను గెలుచుకోగా, 4 స్థానాల్లో ఆధిక్యతలో ఉంది. కాగా, కాంగ్రెసుకు 39 దాకా ఎక్స్ అఫియో సభ్యులున్నారు. ఈ స్థితిలో తెలుగుదేశం పార్టీ మద్దతుతో మేయర్ పీఠాన్ని చేజిక్కించుకోవడానికి మజ్లీస్ పావులు కదుపుతోంది. డిప్యూటీ మేయర్ పదవిని తెలుగుదేశం పార్టీకి ఇచ్చేందుకు సిద్ధపడుతున్నట్లు తెలుస్తోంది.

తెలుగుదేశం పార్టీ నాయకులతో మజ్లీస్ నాయకులతో చర్చలు జరుపుతున్నట్లు తెలుస్తోంది. నిజానికి, కాంగ్రెసు పార్టీ మజ్లీస్ తో కుమ్మక్కయి గ్రేటర్ హైదరాబాద్ ఎన్నికల్లో పోటీ చేస్తేందని తెలుగుదేశం పార్టీ ఆరోపిస్తూ వచ్చింది. అయితే, తెలుగుదేశం పార్టీ ఊహించినదాని కన్నా ఎక్కువ స్థానాలు పొందింది. హైదరాబాద్ శివారులోని పలు ప్రాంతాల్లో తెలుగుదేశం పార్టీ పూర్వ వైభవాన్ని సంతరించుకుంది భావిస్తున్నారు. అయితే, మేయర్, డిప్యూటీ మేయర్ పదవులకు రెండింటి కోసం పట్టుబట్టకుండా, కాంగ్రెసు తమకు మేయర్ పదవి ఇచ్చేలా చేసుకోవడానికి మజ్లీస్ తెలుగుదేశం పార్టీతో మంతనాలు జరుపుతూ ఉండవచ్చునని అంటున్నారు.