కాసు విగ్రహాన్ని ధ్వంసం చేసిన తెలంగాణ వాదులు

హైదరాబాద్‌ : నగరంలోని బంజారాహిల్స్‌లో ఏర్పాటు చేసిన దివంగత ముఖ్యమంత్రి కాసు బ్రహ్మానందరెడ్డి విగ్రహాన్నికొందరు దుండగులు ధ్వంసం చేశారు. ఈ సంఘటన అనంతరం అక్కడికి చేరుకున్న కొందరు కేసీఆర్‌కు అనుకూలంగా నినాదాలు చేయడంతో పోలీసులు వారిని అదుపులోకి తీసుకున్నారు. 1969లో ప్రత్యేక తెలంగాణ ఉద్యమం తలెత్తినప్పుడు కాసు బ్రహ్మానందరెడ్డి ముఖ్యమంత్రిగా ఉన్న విషయం తెలిసిందే.

ఆ సమయంలో అప్పటి ప్రధాని ఇందిరాగాంధీ సహకారంతో కాసు బ్రహ్మానందరెడ్డి తెలంగాణ ఉద్యమాన్ని అణగక్కారు. అప్పటి నుంచి ఆయనపై తెలంగాణ ఉద్యమకారులు ద్వేషం పెంచుకున్నారు. కొంతకాలం ప్రత్యేక తెలంగాణ ఉద్యమం నడిపిన మర్రి చెన్నారెడ్డి ఆ తర్వాత ఇందిరాగాంధీతో కలిసిపోయి తెలంగాణ రాష్ట్ర సాధన అంశాన్ని విస్మరించారు. తెలంగాణకు చెందిన ఆయన విగ్రహాల జోలికి టీఅర్ ఎస్ వెళ్లకపోవడం గమనార్హం.