అల్లు అరవింద్ ను పరామర్శించిన తెలుగుదేశం నేతలు

హైదరాబాద్: తెలంగాణవాదులు గీతా ఆర్ట్స్‌ కార్యాలయంపై దాడి చేసిన దరిమిలా అల్లు అరవింద్‌ను టీడీపీ గ్రేటర్‌ నేతలు పరామర్శించారు. మాజీ మంత్రి కె విజయరామారావు, టీడీపీ అడహక్‌ కమిటీ కన్వీనర్‌ తీగల కృష్ణారెడ్డి, రాష్ట్ర అధికార ప్రతినిధి జి.సాయన్న తదితరులు పరామర్శించారు.

జూనియర్‌ ఎన్టీఆర్‌ సినిమా షూటింగ్‌ను శనివారం తెలంగాణవాదులు అడ్డుకోవడం మంచి పద్ధతి కాదని తీగల కృష్ణారెడ్డి అన్నారు. సినిమా షూటింగ్‌లు చేసే స్వేచ్ఛ ఎవరికైనా ఉంటుందన్నారు. సినిమా షూటింగ్‌లను అడ్డుకోవడం సమంజసం కాదన్నారు. టీడీపీ తెలంగాణకు కట్టుబడి ఉందని, తమ పార్టీకి చెందిన తెలంగాణ ఎమ్మెల్యేలందరూ రాజీనామా చేశారని చెప్పారు.