నిలకడగా జ్యోతిబసు ఆరోగ్యం

కోల్ కత్తా: మార్క్సిస్టు కురు వృద్ధుడు, పశ్చిమ బెంగాల్ ముఖ్యమంత్రి జ్యోతిబసు ఆరోగ్యం నిలకడగా ఉందని వైద్యులు చెప్పారు. న్యుమోనియా వ్యాధికి ఆయన ఆస్పత్రిలో చికిత్స పొందుతున్నారు. చెస్ట్ పెయిన్ తో బాధపడుతున్న 96 ఏళ్ల జ్యోతిబసును శుక్రవారం రాత్రి ఆస్పత్రిలో చేర్చారు. పరీక్షలు నిర్వహించిన అనంతరం ఆయన న్యుమోనియా వ్యాధితో బాధపడుతున్నట్లు వైద్యులు నిర్ధారించారు.

జ్యోతిబసు ఆరోగ్యం నిలకడగా ఉందని, అయితే న్యుమోనియా వ్యాధిని నియంత్రించాల్సి ఉందని వైద్యులు చెబుతున్నారు. ఆయనను ఎఎంఆర్ఐ ఆస్పత్రిలోని ఐసియులో శుక్రవారం రాత్రి చేర్చి పరీక్షలు నిర్వహించి చికిత్స అందిస్తున్నారు. తొలుత ఆయన నివాసంలో వ్యక్తిగత వైద్యుడు పరీక్షించి ఆస్పత్రిలో చేర్చాలని నిర్ణయం తీసుకున్నాడు.