• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

లగడపాటికి పేటెంట్ ఇచ్చారా: సోమిరెడ్డి చంద్రమోహన్ రెడ్డి

By Pratap
|

Lagadapati Rajagopal
హైదరాబాద్: తెలంగాణ సమస్య పరిష్కారానికి కాంగ్రెసు పార్లమెంటు సభ్యుడు లగడపాటి రాజగోపాల్ కు పేటెంట్ ఇచ్చినట్లుగా ఉందని తెలుగుదేశం నాయకుడు చంద్రమోహన్ రెడ్డి వ్యంగ్యంగా అన్నారు. లగడపాటి రాజగోపాల్ వల్ల కోస్తాంధ్ర పరువు పోతోందని ఆయన గురువారం మీడియా ప్రతినిధుల సమావేశంలో అన్నారు. తాను ఏం మాట్లాడుతున్నాడో లగడపాటికి కూడా అర్థం కావడం లేదని ఆయన అన్నారు. లగడపాటి అదుపు తప్పి మాట్లాడుతున్నారని ఆయన వ్యాఖ్యానించారు. కెసిఆర్ దేవుడని, కెసిఆర్ ను ఒప్పిస్తానని లగడపాటి ఒక్కసారి అంటాడని, మరోసారి కెసిఆర్ ను తిడతాడని ఆయన అన్నారు. దక్షిణాది రాష్ట్రాలను విడదీసి ప్రత్యేక దేశంగా ఏర్పాటు చేస్తే కేంద్ర హోం మంత్రి చిదంబరం ప్రధాని కావచ్చునని ఆయన వ్యంగ్యంగా అన్నారు.

రాష్ట్రంలో వెంటనే ఆర్థిక అత్యవసర పరిస్థితిని ప్రకటించాలని మరో తెలుగుదేశం నాయకుడు గాలి ముద్దు కృష్ణమనాయుడు డిమాండ్ చేశారు. ఆర్థికంగా రాష్ట్రం దివాళా తీసిందని ఆయన అన్నారు. రాష్ట్రంలో ప్రస్తుతం ఆర్థిక సంక్షోభ స్థితి నడుస్తోందని, దీన్ని ఎవరూ కాదనలేరని ఆయన అన్నారు. ఆర్టీసి చార్జీలను పెంచడాన్ని ఆయన తప్పు పట్టారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X