పోలియో చుక్కల కార్యక్రమాన్ని ప్రారంభించిన రోశయ్య

హైదరాబాద్‌ : పోలియో చుక్కల కార్యక్రమాన్ని ముఖ్యమంత్రి రోశయ్య ఆదివారం ప్రారంభించారు. తల్లిదండ్రులు తమ పిల్లలకు పోలియో చుక్కలను వేయించి చిన్నారులు అంగవైకల్యం బారినపడకుండా కాపాడుకోవాలని ఆయన కోరారు.

గత కొన్ని సంవత్సరాలుగా పల్స్‌ పోలియో కార్యక్రమాన్ని నిర్వహిస్తున్నప్పటకీ కొంతమంది నిరక్షరాస్యులైన తల్లిదండ్రులు అవగాహన లేకపోవడంతో పిల్లలకు చుక్కలు వేయించడంలేదని ముఖ్యమంత్రి రోశయ్య ఆవేదన వ్యక్తం చేశారు. ఈ కార్యక్రమంలో వైద్య ఆరోగ్యమంత్రి దానం నాగేందర్‌, మేయర్‌ కార్తీకారెడ్డి, పలువురు ఉన్నతాధికారులు హాజరయ్యారు.