భారత టాక్సీ డ్రైవర్ పై దాడికి జైలు శిక్ష

మెల్బోర్న్: భారత టాక్సీ డ్రైవర్ సతీష్ తాటిపాములపై విక్టోరియా నగరంలో దాడి చేసిన ఆస్ట్రేలియా వ్యక్తికి ఆ దేశం కోర్టు మూడు నెలల జైలు శిక్ష విధించింది. పాల్ జాన్ బ్రాగ్ డెన్ అనే ఆస్ట్రేలియన్ తప్ప తాగిన మైకంలో భారత టాక్సీ డ్రైవర్ ను అసభ్యంగా తిట్టడమే కాకుండా అతనిపై చేయి చేసుకున్నాడు. సంఘటనా స్థలంలోనే పోలీసులు జాన్ బ్రాగ్ డెన్ ను అదుపులోకి తీసుకున్నారు. సంఘటన జరిగిన కొద్ది గంటల వ్యవధిలోనే కోర్టు అతనికి శిక్షను ఖరారు చేసింది.

తన క్లయింట్ బాగా తాగి ఉన్నాడని, అతను ఎలా నిలబడగలుగుతున్నాడో కూడా తెలియడం లేదని బ్రాగ్ డెన్ తరఫు న్యాయవాది ఫిలిప్ లించ్ అన్నారు. తప్పుడు మార్గంలో తీసుకెళ్తున్నాడనే భావించిన బ్రాగ్ డెన్ తాటిపాములపై దాడి దిగారు. బూతులు తిట్టాడు. జాతి వివక్ష వ్యాఖ్యలు చేశాడు.