వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

కెసిఅర్ వెనకేసుకొచ్చిన దామోదర్ రెడ్డి

By Pratap
|
Google Oneindia TeluguNews

Damodar Reddy
హైదరాబాద్: కాంగ్రెసు సీనియర్ శాసనసభ్యుడు ఆర్. దామోదర్ రెడ్డి తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావును వెనకేసుకొచ్చారు. కెసిఆర్ పై తెలుగుదేశం పార్టీ కోస్తాంధ్ర నాయకుడు దేవినేని ఉమా మహేశ్వర రావు చేసిన విమర్శలను ఆయన తిప్పికొట్టారు. సోమవారం జెఎసి నాయకుల రిలే నిరాహార దీక్షా శిబిరంలో ఆయన ప్రసంగించారు. కెసిఆర్ పదవుల కోసమే తెలంగాణ ఉద్యమం చేస్తున్నారనే విమర్శను ఆయన తిప్పికొట్టారు. కెసిఆర్ కేంద్రంలో మంత్రి పదవిని చేపట్టారని, కెసిఆర్ ఉద్యమం కోసం పదవులను వదులుకున్నారని ఆయన అన్నారు.

తెలంగాణ జెఎసిలో చీలికలు వస్తున్నాయని, తెలంగాణ కాంగ్రెసులో లుకలుకలున్నాయని వస్తున్న వార్తలపై తీవ్రంగా ప్రతిస్పందించారు. తప్పుడు వార్తలు రాస్తూ తెలంగాణ ఉద్యమాన్ని దెబ్బ తీయాలని చూస్తున్నారని, అది వాళ్ల తరం కాదని ఆయన అన్నారు. అందరం కలిసే ఉన్నామని, తెలంగాణ రాష్ట్రం సాధించే వరకు జెఎసిలో అందరం కలిసే పనిచేస్తామని ఆయన అన్నారు. పార్టీలకు అతీతంగా తాము కలిసి పనిచేస్తామని ఆయన స్పష్టం చేశారు. హమ్ ఏక్ హై అంటూ నినాదం చేశారు. అక్కడి వారి చేత ఆ నినాదాలు చేయించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X