పార్లమెంటులోనే తెలంగాణ బిల్లు పెట్టాలి: బండారు

హైదరాబాద్‌: బడ్జెట్‌ సమావేశంలో తెలంగాణ బిల్లును పార్లమెంట్‌లో ప్రవేశపెట్టాలని బీజేపీ సీనియర్‌ నేత బండారు దత్తాత్రేయ డిమాండ్‌ చేశారు. పార్లమెంట్‌లో తెలంగాణ బిల్లు పెడితేనే రాష్ట్రంలో శాంతి నెలకొంటుందన్నారు. మరోవైపు బీజేపీకి చెందిన మరో నేత ఇంద్రసేనారెడ్డి టీఆర్‌ఎస్‌ అధినేత కల్వకుంట్ల చంద్రశేఖర్‌రావుపై విమర్శనాస్త్రాలు సంధించారు.

తెలంగాణ ఉద్యమాన్ని కేసీఆర్‌ నీరుగారుస్తున్నారని ఆరోపించారు. టీఆర్‌ఎస్‌ అధినేత కాంగ్రెస్‌ కార్యకర్తల వ్యవహరిస్తున్నారని విమర్శించారు. కాంగ్రెస్‌ పార్టీని కేసీఆర్‌ ఇంకా ఎలా నమ్ముతున్నారని ఈ సందర్భంగా ఆయన ప్రశ్నించారు. కేంద్ర మంత్రి జైపాల్ రెడ్డి మొదట రాజీనామా చేయాలన్న డిమాండ్ ను బిజెపి నాయకులు ముందుకు తెస్తున్నారు.